Marquis de Sade : La flor de castanhièr (La fleur de châtaignier)
Traduction en provençal : Anthony Walker

LA FLOR DE CASTANHIÈR




    Òm pretend, l'assegurariái pas, mai quauquei savants nos persuadisson que la flor de castanhier a positivament la meteissa odor qu'aquela seméncia prolifica que plai a la natura de plaçar dins lei renas de l'òme per la reproduccion de sei semblables.
    Una joina damoisèla d'environ quince ans, qu'èra jamai sortida de l'ostau paternau, se promenava un jorn ambe sa maire e un abat crocarèu dins una lèia de castanhiers de quaus l'exalaison de flors perfumava l'èr dins lo sens suspèct que venèm de prener la libertat d'enonciar.
    - O mon Dièu , mama, la singulara odor, diguèt la joina persona a sa maire, s'apercebent pas d'onte veniá... mai sentètz, mama... es una odor que conéissi.
    - Chut adonc, madamoisèla , digatz pas de talas causas, ne'n vos pregui.
    - E perqué donc mama, vesi pas qu'i ague de mau de vos dire qu'aquesta odor m'es ges estrangièra, e plan assegurament me l'es pas.
    - Mai, madamoisèla...
    - Mai, mama, la conéissi, vos disi ; sénher l'abat, me digatz donc, vos pregui, quin mau fau d'assegurar mama que conéissi aquela odor ailà.
    - Madamoisèla, diguèt l'abat en pinçant son jabot e flautent lo son de sa vòtz, es plan segur que lo mau en eu-meteis es pauc de causa ; mai es que siam aicí sota dei castanhiers, e que nosautres naturalistas, admetèm en botanica que la flor de castanhier...
    - E ben, la flor de castanhier ?
    - E ben, madamoisèla, es qu'aquò sent lo f....

Marquis de Sade Petites Histoires du Marquis de Sade

©2007 Sade-ecrivain.com - Contact - Forum -